SurSElvA venderdi, ils 24 d’october 2014 9 Davos onn da cant cun Clau Scherrer Il Chor viril Lumnezia ha entschiet la sessiun da cant 2014/2015 Program da cant Gia questa fin d’jamna vegn il Chor viril Lumnezia a separticipar alla fiasta da commemoraziun per il scribent e promotur da lungatg e cultura Toni Halter che ha liug sonda suentermiezdi a Vella. Il 77avel onn da cant dil Chor viril Lumnezia vegn a star ell’enzenna dils concerts da cumiau cun Clau Scherrer. Quels vegnan ad haver liug ils 9 da matg 2015 ella baselgia s. Martin a Trun ed ils 10 da matg en halla plurivalenta a Vella. Damai ch’in concert ha liug en baselgia e l’auter en halla vul ins era tener quen da quei cun in program different. Il program tscharnius dil dirigent fa cueida als cantadurs e vegn per franc era a delectar igl auditori. Sco cooperaturs al concert d’uonn ha il Chor viril Lumnezia envidau da formaziun «De Canto» che vegn dirigida da Retus Giger. a martin cabalzar Suenter 11 onns d’engaschi cumplein ed encorunau da success remetta il dirigent Clau Scherrer la direczun musicala dil Chor viril lumnezia sin la fin digl onn da cant 2014/2015. Il Chor ei stau surprius e perplex da quella novitad, ha denton capientscha per quella decisiun persunala da siu valent e zun appreziau dirigent. Avon 10 onns ha il giuven musicist Clau Scherrer surpriu la bitgetta dil Chor viril Lumnezia da Marcus Zarn. Il niev dirigent ha fatg ina lavur nunstunclenteivla e menau il chor da vallada enteifer quei decenni al sumfil musical. E Clau Scherrer sincerescha ch’el hagi fatg il pass alla demissiun cun grev cor, tonpli ch’il Chor viril Lumnezia seigi carschius ad el a cor. El hagi astgau guder cul chor muments musicals che hagien fatg pial gaglina, hagi appreziau l’organisaziun nuncumplicada e gudiu la buna atmosfera che regia ellas retschas dil chor. Ils cantadurs seigien denton era stai «flots tips» ed umens grads. El decuors dils davos onns seigien sias incumbensas musicalas denton carschidas ad in crescher ed il resguard enviers l’atgna giuvna famiglia hagi la finala sfurzau el da tschentar prioritads e prender ina decisiun che seigi ida vess. Ina certa fluctuaziun ella direcziun d’in chor sappi denton era esser ina schanza ed el seigi satisfatgs da saver surdar a siu successur in «grondius chor», manegia Scherrer. Per siu meriteivel engaschi ha Clau Scherrer retschiert in ferm e liung applaus. revista digl onn vargau Alla radunonza generala da dumengia vargada, cumbinada cugl emprem exercezi a Cuschnaus ha il parsura dil chor Victor Blumenthal schau passar cuorta- Per il Chor viril lumnezia vegn igl onn da cant 2014/2015 ad esser il davos onn da cant sut la direcziun da Clau Scherrer. mein revista digl onn vargau ch’ei staus cumpleinamein ell’enzenna dils dus concerts annuals. Avon in grond ed engrazieivel auditori ha il Chor viril Lumnezia astgau concertar ton a Trun sco a Vella. Ina tempra speciala ha il virtuos accordeonist Raphael Brunner dau al concert. In bien resun ha era la serada da cant aviert e da cumpignia a Cuschnaus giu. Il concert ei vegnius registraus e perpetnisaus sin in disc cumpact ch’ei vegnius surdaus als cantadurs. Bien grau sa il parsura cunzun al dirigent Claus Scherrer che ha cumpilau in program variont ed interessant ed ha capiu da motivar ils cantadurs. Cunzun la canzun franzosa «Saltarelle» cantada tut ordadora dil chor ha apparentamein fatg impressiun res- tonta sil publicum. In engraziament ademetta il parsura era als vicedirigents Curdin Casaulta ed Alexi Nay, sco era als gidonters Conradin Caduff e Norbert Capeder ch’ein promts da segidar sch’ei fa basegns. D’in ordvart favoreivel quen cun in tschec gudogn sa il cassier Beat Gabriel rapportar. Grazia ad in generus sustegn dalla fundaziun Linsi ha il chor saviu acquistar agens podests da concert. Bien grau sa il cassier era als numerus commembers passivs per lur sustegn. Elecziuns e honoraziuns Damai ch’ils suprastonts en uffeci ch’ein uonn en roda d’elecziun ein stai promts da star vinavon sin lur post ein las elecziuns stadas liquidas en in gienà e cun foto a. beeli acclamaziun. Quei ein il dirigent Clau Scherrer (mo per 1. onn), il vicedirigent Curdin Casaulta, il vicepresident Silvio Riedi ed il revisur Arno Deplazes. Suenter haver adempliu siu survetsch duront 22 onns ha il bandierel Arthur Tenz saviu surdar la bandiera a Fridolin Albin. En renconuschientscha da sia appartenenza da 35 onns al Chor viril Lumnezia ei Giachen Casanova vegnius undraus cul commembradi d’honur. In buccalin pil commembradi da 20 onns ha Curdin Casaulta retschiert. Per motivs da vegliadetgna ni sanadad han deplorabalmein 9 cantadurs stuiu declarar lur extrada. Novs cantadurs ein perquei zun beinvegni al proxim exercezi che ha liug dumengia sera a Cuschnaus. Fulminont finale a Meirigen Igl onn da cant 2015 vegn a vegnir terminaus culla participaziun dalla Fiasta da cant federala che ha liug ils 13/14 da zercladur a Meiringen el cantun Berna. Sper la producziun da pag ha il Chor viril Lumnezia era la cuida da cooperar ad in grond concert da gala culs treis gronds chors romontschs dil Grischun, la Ligia Grischa (dirigent Christoph Cajöri), il Chor viril Surses (dirigent Luzius Hassler) ed il Chor viril Lumnezia (dirigent Clau Scherrer). Denter auter vegnan ins era ad interpretar cun quella caschun ovras dil valent cumponist grischun Gion Antoni Derungs che cumpleness 2015 siu 80avel anniversari. Ton per Clau Scherrer dil Chor viril Lumnezia sco per Luzi Hassler dil Chor viril Surses vegn quei ad esser la davos producziun cun «lur» chors. Chors mieran – chors neschan La scena da cant sursilvana semida cuntinuadamein ■ (anr/abc) Avon dus onns ha Flavio Bundi da Glion encuretg glieud per formar in chor da project. El ha buca giu breigias d’anflar cantaduras e cantadurs. Il chor liber cul num «kontra.cant» ei seprofilaus onn vargau cul project «In onn cun Alfons Tuor» e cun in emprem disc cumpact. Dumengia proxima ein ils ambassadurs dil cant sursilvan ad Interlaken. Daferton cuntinuescha la midada da structura dils chors sursilvans. La tgira dil lungatg romontsch e siu scazi da canzuns hagi in plaz special el repertori, e quei scazi veglien els presentar inagada ordeifer il cantun. Finamira seigi explicit d’avischinar glieud dalla Bassa alla cultura cantica grischuna e cunzun romontscha, scriva «kontra.cant» en siu invit pil concert. Dumengia proxima sepresenta il chor sursilvan ad Interlaken. Il chor da project ha il dirigent e cumponist da Glion Flavio Bundi fundau avon dus onns. Quel vul s’exponer sco ambassadur dalla cultura sursilvana ch’ei pil mument en ina situaziun ambivalenta. Chors da tschien onns calan «Ils Sursilvans ein attaschai al cant, els contan bia e bugen, ei dat massa chors che tgiran quella cultura»:. Aschia vegn ei descret dapertut. Igl adjectiv «massa» ei plaunsiu surfatg. Dapi la fiasta da cant districtuala 1998 a Vella sereducescha il diember cuntinuadamein. Lu fagevan 58 chors part dall’uniun tetgala, ussa eis ei aunc cerca 30. Ed il regress cuntinuescha. En tuttas regiuns dalla Surselva calan uniuns da cant d’exister, uniuns ch’ein sestentadas duront tschien e dapli onns per quell’expressiun d’identitad ed unitad. Cantar en in chor da project ei limitau sin in cert temps, cantaduras e cantadurs ein motivai, quei ch’ei d’engrau alla scena da cant dalla Surselva. mad Ina dallas nodas-casa culturalas dalla Surselva para d’esser sin ballontscha. La tendenza negativa ei denton buca schi dramatica, ins constattescha pilpli ina midada da structuras. Las uniuns da cant cun statuts e formalitads paran d’esser antiquadas. La giuventetgna – e buca mo lezza – sesenta memia ligiada e serrada en structuras. In exempel ei il Chor Surselva che exercitescha cun Rest Giusep Tuor dapi zacons onns buca pli sco uniun tradiziunala, mobein sco chor da project. Tgi che ha gust da separticipar ad in program da Haydn, ad in program spagnol ni ad in cun schlaghers talians separticipescha, autruisa lai el star. Cantaduras e cantadurs ein s’emanzipai enviers il squetsch social dil stuer separticipar en ina uniun cun program static che consista dil concert annual e dils exercezis jamnils per la fiasta da cant. La glieud tscherca dapli e selai trer da projects creativs. Ambassadurs sursilvans ella Part Sura Bernesa Ch’ei vegni buca pli cantau en Surselva constat aschia buca. Els vitgs mauncan bein ils dirigents e las dirigentas, insumma glieud che trai il carr. Gliez ha connex cullas structuras e la politica dils vitgs. E savens era cun uniuns che repondereschan buca ad uras lur situaziun. Chors che piardan lur dirigent ni dirigenta han perquei grondas breigias d’anflar successurs. E la decisiun da sligiar il chor cunquei spert tratga. Aschia schabegiau a Va- lendau, Pigniu, Surcuolm, Riein, Degen, Cumbel-Morissen, Trun. Ulteriurs exempels suondan ils proxims onns. Cantau vegn ei perquei tuttina, semplamein cun autras structuras. Quei muossa il chor «kontra.cant». La tendenza ei stada da constattar gia avon prest 15 onns, cu Clau Scherrer ha fundau Cantus Firmus. Lu eis ei vegniu pretendiu che quei chor concurrenzeschi ils chors dils vitgs. Senza raschun, pertgei sco quei ch’ei semuossa, sesenta la glieud meglier en chors libers. E la glieud selai trer da buns dirigents «libers», cunzun la giuventetgna sesenta pli aviarta en in ensemble ni formaziun senza structuras administrativas. En in chor da project exerciteschan els per in temps limitau in program adattau, ein motivai e selaian menar. Els vegnan per tgirar il cant cun glieud che ha il medem interess, e buca per far in survetsch a zatgi ni per obligaziun al generalesser. Els han plascher da cantar – e portan aschia vinavon il cant sursilvan. En quei senn exercitescha «kontra. cant» actualmein in program cul tetel «Tgei ei il carstgaun?». Dumengia proxima ein ils Sursilvans ad Interlaken. Il dirigent Flavio Bundi ha gia in pulit bien num ella scena da chors. El cumpona diligentamein e sias partituras exercitescha el cun «kontra.cant». La fin da settember d’uonn ha il pianist, cumponist e dirigent gudignau igl emprem premi alla concurrenza da cumposiziuns «Alpenchorfestival» a Brig-Glis. Els concerts che han liug ussa presenta Flavio Bundi sias novas cumposiziuns e talas dil Norveges Ola Gjeilo. Ils concerts da «kontra.cant» han liug: Dumengia, ils 26-10, allas 17.00, ella baselgia catolica Interlaken BE; Numnasontga, igl 1-11, ella baselgia claustrala a Mustér, allas 20.00; dumengia, ils 2-11, allas 17.00, ella baselgia catolica a Glion. Cooperaziun: Alexandra Günther (gegia), Niklaus von Arb (cello) e Clau Maissen (saxofon). reclama Ilanzer Geschenkkarte Freude schenken Die kleine feine Geschenkidee in 20 Ilanzer Geschäften erhältlich
© Copyright 2024 Paperzz
