Plata dla Ploania Vita de ploania y de paîsc La Pli - Santa Maria dal Bun Consei “I te cherdi con to ennom” dij le Signur. La ploania d’La Pli tol sö con ligreza te söa comunité Sofia Ellemunter (Pinter) y ti fej les miûs aodanzes ai geniturs Matio y Madalena: Idio, la Oma dal Ci y la Santa Patrona acompagneii Osta möta con söa benedisciun y proteziun. • 300 agn dlijia da Curt: en domegna ai 3 d’agost recordunse che la dlijia da Curt è gnüda consacrada dal vesco da Porsenù Kaspar Ignaz von Künigl. Düć è der bel enviês da tó pert. Program: en sabeda sera èl ales 19:30 na messa prefestia a La Pli; en domegna s’abinunse düć ales 9:45 jö a pè de Curt por jì en prozesciun sö te dlijia; danlò saràl ales 10:00 la santa messa ćiantada da festa; dedô èl la vijinanza da Curt co ofresc a düć val’ da bere y val’ mangé. Ocio: al ven perié da ji a Curt a pè, al è inće i Stödafüs co fej sorvisc da taxi. • Ministronć: la Schira Jonila y i Ministronć dla Val Badia organiseia en domegna ai 14 de setember n iade a Gardaland. Coriera y entrada costa 42,00 €; al è da se prenoté ćina ai 11 d’agost. Plates con informaziuns y formular por se scrì ete è motüdes fora sön chi pici altês. informaziuns & termînns Conzert con l’Orchestra Val Badia y amisc: al sona y ćianta i archeć jonins y cor de mitans, Mamblix, Angela Palfrader; direziun de Bruno Rives; presentaziun de Konrad Tavella, presentaziun multimediala de Elisa Obwegs en domegna ai 3 d’agost ales 20:00 tal Istitut Ladin a San Martin. Comun de Mareo: le Comun tòl sö a tomp limité por l’ann de scora 2014/15 na sorvidessa por la scora de Musiga d’Al Plan; an adora por fà domanda le diplom de scora elementara y l’atestat de trilinguism D. Les domandes mess gnì dades jö anter les 11:30 dai 30 de iuli y tal cajo de manćianza de candidać anter les 11:30 dal dédolönesc de vign’èdema. Informaziuns tal l’Ofize dal personal. Döt le bun a: Sr. Arcangela, Maria Comploj, Arco * 01.08.1924 Anna Rindler, Bornech * 02.08.1934 Fonjo Willeit, Maran * 02.08.1934 Jan Rigo * 03.08.1932 y a düć chi co à santennom y complesc i agn cöst’edema Plata dla Ploania: comunicaziuns ćina jöbia sera: ploania@gmx.net o Franz Rigo ℡ 0474 500978. La plata sön Internet: www.valbadiaonline.it/comunite/ploanies.html o www.comun.mareo.bz.it/ploanialapli ℡ Calogna Al Plan 0474 501006 ploania@gmx.net radio de ploania 93,00 Mhz Ann A 2014 27.07.2014 n. 35 17. DOMEGNA IA POR L’ANN Sapionza y ligreza 1 Resc 3, 5.7–12 | Rom. 8, 28–30 | Mt. 13, 44–52 Dal Vangelo do San Mateo: En tresor plen d’Amur Te chel tomp ti à Gejù dit ala meja: 44 Con le regn dal ci èsera desco con n tesur co ea ćiaé ete te n ćiamp. […] 45Con le regn dal cil èra inće desco con n marćiadent co chirìa de beles perles. […] 47Con le regn dal ci èra inće desco con na rei ch’an à sciüré tal mer por pié de vigne sort de pesc. […] 52Vigne stüdié dla Scritöra, co è deventè n discepul dal regn dal cil, ti someia a n patrun de ćiasa co tol fora de so avei rich cosses nèes y cosses vedles. I confrunć che Gejù fej è sciompli y se referesc ala realté dla vita da vigne dé: le Regn dal Ci è a portada de düć y düć pò capì le significat da aldì laprò. Le discepul dal Regn dal Ci à tal cör en gran tanch plen de verité y d’amur. Gejù le nomineia “tesur” y al ne pò nia gnì spaterlé o ascognü le valur de cösta scincunda. I preii ensciö: Té mè ai èn tresor co contegn les cosses plü beles y prezioses dal monn. I n’à nia bria da ji soradöt a les chiri, ares è te mio cör. Al n’ô nia ester de gran aventöres por les ciafé, ares m’è gnüdes scincades. I n’à nia bria da ester rich, ares è por la jont sciompla y umila. Al è en tesur co ne ven nia plü vedl, al romagn entrês vì y efizient. Al è töa Parora, Gejù, plü preziosa y slominonta de dötes les perles sön cösc monn. Al è to Amur, Gejù, co val plü co or y arjont. Al è la vita che te mo das tai sacramonć y tla Dlijia, co fej smarì vigne atra richeza. Daür sö te me cösc armé, Gejù, y fà ch’al sii disponibl por i atri por che düć pòi s’arichì con le tesur de to Amur. “Parola Amica” Il vangelo della domenica per ragazzi Walter Cazzaniga, traduziun Edith Willeit Letöres dla 18. domegna ia por l’ann: Is. 55, 1–3 | Rom. 8, 35.37–39 | Mt. 14, 13–21 Sìdeste aprijé, Pere, Signur dal ci y dla tera; te i as revelé i misters dal regn ai pici. Alleluia. (Liturgia) Edema liturgica dai 27.07. ai 03.08.2014 DOM 27. 17. DOMEGNA ia por l’ann de sant’Anna | de San Cristoforus Berthold, Natalia oferta por la Ćiasa dla Solidarieté 08:30 gran messa ćiantada dla comunité y ad onù de Sant’Anna por les omes y fómenes, benedisciun dal tomp cuartet dal Cor 12:00 sön Prades s.m. do int. dla Joneza jogn dla Musiga 14:00 funziun dal Bato de Sofia Ellemunter Lön 28. Viktor, Benno, Innozenz Ded 29. Marta da Betania, Olaf, Flora 07:30 s.m. por i +ti dla fam. Ellecosta, Taibun s.m. por les Püres Animes Dem 30. Pire Crisologo, Ingeborg, Beatrix Jöb 31. Nazio de Loyola, Germanus, Hermann 19:30 s.m. por + Nazio Erlacher, Cargà s.m. por intenziuns dla fam. Konrater, Bei defora Ven 01. pröm vendres - Alfonjo Maria da Liguori, Petrus, Ulrich 18:45 poscibilité da se pissié Letöra dal liber di Proverbs Lidia, Benno 09:45 a Curt: s’abinun jö a pè de Curt por jì en prozesciun sö te dlijia 10:00 gran messa ćiantada en onù de San Mocherà y San Florian oferta por le confarun ampola: ministronć: i recordun: por fam. Markus y Anna Fischnaller da doman y domegna: Luca Ploner y Chiara Willeit da sera y domegna: Patrick Winkler y Sybille Pescoll Notburga Kehrer ved. Zanmichieli, Ćiadura Carlo Pedevilla Das Reich Gottes ist der viel gesuchte oder mitunter plötzlich entdeckte Himmel auf Erden. Das schimmert durch Jesu Gleichnis hindurch. Das Reich Gottes hat mit einer Liebe zu tun, wie wir sie uns fürs Leben wünschen: Dass wir angenommen sind, ohne uns verbiegen zu müssen; dass wir verstanden werden, um uns verändern zu können; dass wir Fürsorge erleben, wo wir uns keinen Rat mehr wissen. Das alles ist der „Vorschein“ (Ernst Bloch) von etwas, wofür wir nur eine spröde Sprache haben und keine Vorstellung: der Himmel. Wer davon etwas im Leben erfühlt und/oder gibt, wird nichts anderes mehr anstreben wollen. Himmel ist, wo wir zu Hause sind. Festa dai Sanć Iachin y Anna Sab 02. pröma sabeda - Sabeda de Santa Maria | Eusebius, Petrus Julianus 19:30 s.m. en onù de Sant’Ujöp da Oies por fam. Erich y Ludmilla Erardi 18. DOMEGNA ia por l’ann, dla porziuncola festa por i 300 agn dla dlijia da Curt Pere, fontana dla sapionza, te Gejù Crist nes aste mostré le tesur ascognü y la perla preziosa. Dasse la conescionza dal Spirit ch’i reconesciunse danter les cosses dal monn le gran valur de to regn y ch’i sunse bogn da renunzié a val’ por avei töa scincunda. Por nosc Signur Gejù Crist, to Fi, co è Dio y vir y regneia con tè tl’unité dal Spirit Sant por düć i secui dai secui. Michael Becker 19:30 s.m. por +ti Jep Konrater y Tone Trebo, Biei defora s.m. por düć i +ti de Pré, funziun al Sacher Cör DOM 03. N tesur ascognü y na perla preziosa + 02.08.2012 + 03.08.2007 Fredesc y sorus! 10 Na bona era, chê la ciafa pa? Ara supereia de valur dötes les perles. 11 Le cör de so om ti confida, y al n’à manćia degün vadagn. 12Ara ti fej de ben y nia de mal düć i dis de süa vita. 13Ara fistidieia por lana y lin y laora con bona man. 19Do le panjel peia söa man, sü deić mena sö le spö. 20 Ara ti daüra söa man a chi dala meseria, y ti sporj les mans ai püri. 30 Engianosa è l’atraenza, despassonta la beleza; mâ na era co tem Idio mirita lalt. 31 Aprijédela por i früć de söes mans, söes òpres dèsson laldé sön porta de ciüté.